Medicaid yog dab tsi thiab nws them rau dab tsi?

Medicaid yog tsoom fwv thiab lub xeev txoj hauj lwm uas muab kev pab them nqi kho mob rau cov neeg uas muaj cai tsim nyog tau txais. Txhua lub xeev khiav nws qhov kev pab cuam Medicaid, tab sis tsoom fwv tseem muaj cov cai uas txhua lub xeev yuav tsum tau ua raws. Tsoom fwv tseem muab yog tsawg kawg ib nrab ntawm cov nyiaj pab rau lawv cov cai Medicaid.

Raws li tsoom fwv teb chaws cov cai tswj, cov xeev tau tsim thiab khiav lawv tus kheej qhov kev pab Medicaid los pab rau lawv cov neeg nyob hauv lub xeev uas muaj cai tsim nyog tau txais. Tej zaum cov xeev yuav xaiv muab kev pab kho mob ntau dua li tsoom fwv teb chaws tau hais tseg thiab lawv kuj tseem yuav xaiv los muab kev pab them nqi kho mob rau cov pab pawg neeg coob dua. Medicaid muab kev pab them nqi kho mob rau cov neeg uas tsim nyog tau txais, raws li cov nyiaj khwv tau los thiab tus nqi ntawm yam uas lawv ua tswv.

Medicaid pib raws li yog ib feem ntawm Tsab Cai Lij Choj Hais Txog Kev Pov Hwm Kev Ruaj Ntseg Hauv Sim Neej (Social Security Act) ntawm 1965. Thawj tsab cai lij choj tau muab qhov kev xaiv rau cov xeev kom tau txais tsoom fwv teb chaws cov peev nyiaj los pab muab kev saib xyuas kev noj qab haus huv rau cov me nyuam uas lawv tsev neeg khwv tau nyiaj los tsawg, lawv cov neeg txheeb ze ua tus neeg saib xyuas, cov neeg dig muag thiab cov neeg tsis taus. Lub sij hawm dhau mus, tsoom fwv teb chaws tau ntxiv cov cai thiab cov kev cai rau cov khoos kas pab Medicaid ntawm lub xeev.

Cov khoos kas pab Medicaid muab kev pab tshwj xeeb rau pab pawg neeg, suav nrog:

• Cov poj niam cev xeeb tub uas khwv tau nyiaj los tsawg
• Cov me nyuam ntawm cov tsev neeg uas khwv tau nyiaj los tsawg
• Cov me nyuam nyob hauv kev tu xyuas ntawm niam qhuav txiv qhuav (foster care)
• Cov neeg muaj mob xiam oob qhab
• Cov neeg laus muaj hnub nyoog uas khwv tau nyiaj los tsawg
• Cov leej niam thiab leej txiv los yog cov neeg muab kev tu xyuas lwm tus uas khwv nyiaj tau los tsawg

Cov xeev kuj tseem tuaj yeem xaiv los nthuav kev tsim nyog rau lwm pab pawg neeg, xws li cov neeg uas khwv tau nyiaj los tsawg uas tej zaum yuav muaj los sis tsis muaj me nyuam.

CHIP, uas txhais tias Children's Health Insurance Program, muab is saws las tuav pov hwm kho mob tus nqi qis rau cov me nyuam uas lawv tsev neeg tsis raug raws li cov nyiaj khwv tau los rau Medicaid. CHIP tej zaum kuj tseem yuav muab kev pab them nqi kho mob rau cov poj niam cev xeeb tub hauv qee lub xeev, tab sis tsis them rau cov neeg laus saib xyuas cov me nyuam uas tsim nyog tau txais CHIP.

Txhua lub xeev txiav txim siab tag nrho cov kev pab uas nws pab them rau raws li Medicaid. Tsoom Fwv Teb Chaws txoj cai lij choj hais kom cov xeev yuav tsum tau muab qee cov kev pab, uas yog hu ua cov kev pab yuav tsum tau muab. Tej zaum cov xeev kuj tseem yuav xaiv muab lwm cov kev pab thiab kev kho mob los ntawm Medicaid. Cov no hu ua cov kev pab uas xaiv tau. Daim duab qhia hauv qab no qhia pom txog yam kev pab uas yuav tsum tau pab thiab yam kev pab twg yog yam kev pab Medicaid uas xaiv tau.

*Qhov no suav nrog cov kev pab kho mob uas muaj nyob rau hauv ib lub tsev kho mob raws kev ntseeg uas tsis yog kho mob, kev pab kho mob xwm txheej kub ceev hauv tsev kho mob los ntawm lub tsev kho mob uas tsis tau ntawv pov thawj tso cai ntawm Medicare, thiab lub tsev kho mob nkag cuag yam tseem ceeb (critical access hospital, CAH) Medicaid cov kev pab them nqi tshua raws li kws kho mob sau ntawv yuav.

Kev pab them nqi tshuaj raws li kws kho mob sau ntawv yuav yog ib qho kev pab uas xaiv tau raws li tsoom fwv txoj cai lij choj hais txog Medicaid. Tab sis, txij li xyoo 2020, txhua lub xeev muaj qee hom kev pab them nqi tshuaj raws li kws kho mob sau ntawv yuav raws li lawv qhov kev pab cuam Medicaid. Feem ntau, cov neeg uas rau npe feem coob nyob rau hauv lub xeev qhov kev pab cuam Medicaid yuav tau txais kev pab them nqi tshuaj raws li kws kho mob sau ntawv yuav.
 

Cov kev pab cuam Medicaid tej zaum kuj tseem yuav pab them rau cov nqi kho mob ntau yam Kev Pab Kho Mob Nyob Hauv Tsev- thiab Hauv Zej Zog (Home- and Community-Based Services, HCBS) txhawm rau los pab cov neeg nyob tau hauv tsev thiab koom tau nrog lub zej zog. Theem ntawm kev pab uas yuav muab tau npaum cas ntawd kheev yog muab raws li cov kev xav tau ntawm tus neeg.

Cov piv txwv ntawm hom kev kho mob hauv tsev thiab kev pab kho mob rau cov neeg laus nyob hauv tsev uas tau muab raws ib feem ntawm cov kev pab HBCS muaj xws li:

• Kev tu xyuas tus kheej xws li kev da dej
• Kev pab muab tsheb thauj xa mus los
• Kev txawj tu neeg mob
• Kev kho kom ua tau hauj lwm, kev hais lus thiab kho lub cev
• Kev tswj khoom noj thiab kev noj zaub mov muaj txiaj ntsig zoo (kev noj zaub mov kom muaj txiaj ntsig rau lub cev)
• Kev xa cov pluas mov-txog tom tsev
• Kev ua hauj lwm hauv tsev thiab kev tu vaj tsev

Qee chov kev pab kho mob ntawm HCBS xws li kev tu mob uas txawj tshaj lij thiab kev kho kom ua tau hauj lwm, kev kho lub cev los sis kev kho kev hais lus yog muab los ntawm cov kws kho mob txawj tshaj lij uas muaj ntawv pov thawj thiab, nyob rau qee kis, muaj ntawv tso cai. Lwm cov kev pab, xws li kev ua hauj lwm hauv tsev thiab kev ua zaub mov noj, tuaj yeem muab kev pab tau los ntawm cov neeg hauv tsev neeg, cov phooj ywg los sis cov neeg saib xyuas uas tau them nyiaj rau.

Vim tias txhua lub xeev yog tus tswj hwm nws qhov khoos kas pab Medicaid, yog li qhov muaj feem tau txais kev pab yuav txawv ntawm ib lub xeev mus rau lwm lub. Yog hais tias koj muaj lus nug txog qhov muaj cai tsim nyog tau txais kev pab, thov tiv tauj mus rau lub chaw khiav hauj lwm Medicaid hauv koj lub xeev. Los sis, thov hauv online tau ntawm lub vev xaib rau lub chaw khiav hauj lwm Medicaid hauv koj lub xeev los saib seb koj puas muaj feem tsim nyog tau txais.

Ib Daim Phiaj Muaj Ob Yam Kev Tuav Pov Hwm Uas Xav Tau Tshwj Xeeb (los sis daim phiaj muaj ob yam kev tuav pov hwm uas muaj feem tau txais) yog ib hom ntawm daim phiaj tuav pov hwm kho mob rau cov neeg uas muaj Medicaid thiab Medicare ob yam tib si. Cov neeg no yog "muaj feem tau txais ob yam" vim tias lawv muaj feem tau txais cov nyiaj pab Medicaid nrog rau cov nyiaj pab Medicare.

Cov Phiaj Muaj Ob Yam Kev Tuav Pov Hwm Kho Mob Uas Xav Tau Tshwj Xeeb muab kev pab ntxiv rau cov neeg uas xav tau kev pab. Qhov ntawd tej zaum yuav yog vim cov nyiaj khwv tau los, cov kev xiam oob qhab, hnub nyoog thiab/los sis tej kev mob nkeeg. Daim Phiaj Cov Kev Xav Tau Tshwj Xeeb Ob Yam Ua Ke ua hauj lwm ua ke nrog koj daim phiaj tuav pov hwm kho mob Medicaid. Koj yuav ceev tag nrho koj cov kev pab Medicaid cia. Feem ntau cov phiaj muaj ob yam kev tuav pov hwm kho mob kuj tseem muab cov nyiaj pab thiab cov kev tsim nyog ntxiv rau koj ntau dua li koj tau txais nrog Original Medicare. Tag nrho cov no muaj tus nqi them tuav pov hwm kho mob txhua hli qis txog $0 .* Kawm paub ntxiv txog cov nyiaj pab ntawm daim phiaj tuav pov hwm kho mob uas muaj ob yam kev pab. 

Cov txiaj ntsig thiab cov yam ntxwv sib txawv raws li phiaj xwm/cheeb tsam. Yuav muaj cov ciaj ciam kev txwv thiab cov kev zam.