UnitedHealthcare Community Plan — Indiana PathWays for Aging

Yog koj muaj lus nug txog ntawm koj txoj kev pov hwm, thov caw hu rau peb tau. Peb tus lej xov tooj hu dawb rau Cov Kev Pab Cuam Rau Cov Tswv Cuab yog 1-800-832-4643, TTY 711. Peb qhib hmub Monday txog Friday, 8 AM txog 8 PM Lub Sij Hawm Sab Hnub Tuaj. Koj tuaj yeem siv tau tus xov tooj no 24/7 kom tau txais kev pab sai tam sid.

Peb xav kom koj nkag siab peb cov ntaub ntawv kho mob. Ntawm no yog cov hau kev uas peb tuaj yeem ua tau kom nws yooj yim dua: 

• Tus tswv cuab cov ntaub ntawv muaj ua lwm hom lus. Koj tseem tuaj yeem tau cov ntaub ntawv no uas luam pom loj, ua hom ntawv rau Cov Neeg Dig Muag los sis ua suab lus.
• Cov kws kho mob uas hais tau lwm hom lus txawv. Peb daim ntawv teev cov npe kws kho mob yuav qhia rau koj paub tias yog leej twg.
• Peb cov Neeg Coj Kev (Navigators) Muab Kev Pab Cov Tswv Cuab hais tau ntau hom lus thiab.
• Peb qhov kev pab txhais lus muab tau ntau tshaj 240 hom lus hauv lub xov tooj, nrog rau Lus Piav Tes Mes Kas (American Sign Language).
• Yog tias koj muaj teeb meem tsis hnov lus los sis hais lus tsis tau hauv xov tooj, koj tuaj yeem siv xov tooj ntaus ntawv. Nws yog ib qho kev pab cuam tsis tau them nyiaj. Hu rau 711 kom paub ntxiv. Siv tus naj npawb 1-800-832-4643 kom txuas tau nrog peb.

Yog xav tau kev pab los yog xav paub ntau ntxiv, thov hu rau peb cov Neeg Coj Kev (Navigators) Ntawm Chaw Muab Kev Pab Tswv Cuab.

Cov Lus Tshab Txhais ntawm Just Plain Clear® muaj txog phav lo lus siv rau kev kho mob hais ua cov lus yooj yim, lus tseeb kom koj nkag siab los pab koj muab tau cov kev txiav txim siab. Mus saib justplainclear.com los mus siv qhov cuab yeej uas tsis tau them nyiaj thiab pab tau no. Tam sim no qhov kev pab no muaj ua hom lus Lus Askiv, Spanish, Phab Mab, Lus Suav, thiab Portuguese.

Tshawb Nrhiav ib Tus Kws Muab Kev Pab Kho Mob 

Nws muaj ntau txoj kev los mus xaiv koj tus kws kho mob. Nws yog ib qho tseem ceeb txhawm rau nrhiav kom tau cov kws kho mob uas haum zoo rau koj. Cov tswv yim muaj xws li:

• Tham nrog ib tus phooj ywg los yog tsev neeg seb lawv mus ntsib leej twg.
• Hu rau tus kws kho mob lub chaw ua hauj lwm thiab nug tej lus uas koj xav nug.
• Xaiv raws li lub chaw ua hauj lwm nyob.
• Saib cov npe kws kho mob uas txais yuav koj daim phiaj kho mob (health plan) ntawm no.

Peb xav kom koj txaus siab txog txoj hauj lwm ua tau zoo ntawm cov kws kho mob uas koj xaiv. Cov kws kho mob muaj xws li:

• Cov Kws Kho Mob Xub Thawj (Primary Medical Providers (PMPs))
• Cov kws kho mob tshwj xeeb
• Cov kws kho kev nyuaj siab mob hlwb
• Cov kws kho hniav
• Cov kws kho qhov muag
• Cov tsev kho mob
• Cov chaw kho mob tau sai (urgent care clinics)
• Cov chaw kuaj kab mob
• Cov tuam txhab tsim cuab yeej siv kho mob

Koj kuj tseem tuaj yeem tau ntaub ntawv hais txog kev ua hauj lwm tau zoo ntawm cov kws kho mob los ntawm qhov siv cov kab ntawv txuas (links) hauv qab no:

Medicaid:

• Teb Chaw Meskas Lub Tsev Hauj lwm Saib Xyuas Kev Noj Qab Haus Huv thiab Tib Neeg (US Department of Health & Human Services)
• Chaw rau Medicare thiab Medicaid Cov Kev Pab (Centers for Medicare & Medicaid Services)

Cov tsev kho mob:

• Indiana Koom Haum Tsev Kho Mob (Hospital Association)
• Pawg Koom Hauj Lwm Ua Ke (The Joint Commission)
• Leapfrog Qib Tsev Kho Mob Muaj Kev Nyab Xeeb (Leapfrog Hospital Safety Grade)
• mycareINsight

Cov kws kho mob:

• Healthgrades
• Meskas Lub Koom Haum Kho Mob Rau Lub Cev (American Osteopathic Association)

Tsis tas li no xwb, koj kuj tseem hu tau rau Lub Chaw Pab Cov Tswv Cuab ntawm 1-800-832-4643. Peb yuav pab koj xaiv qhov uas yog qhov zoo rau koj. 

Cov lus nug txog kev kho mob yuav muaj tau txhua lub sij hawm. Thaum koj muaj lus nug txog koj li kev noj qab haus huv, koj tuaj yeem hu rau tus kws tu neeg mob tau 24 xuaj moos nyob rau ib hnub, 7 hnub nyob rau ib lub lim tiam: 1-800-832-4643 / TTY 711.

Peb cov kws tu neeg mob yuav:

• Mloog koj cov tsos mob
• Pab rau kev tu xyuas tus kheej
• Qhia paub yog hais tias koj yuav tau txais kev kho tus mob thaum mus ntsib kws muab kev pab kho mob zaum tom ntej no los sis yuav tau mus rau ntawm qhov chaw kho mob ceev
• Pab kom koj paub tias thaum twg yog lub sij hawm yuav tau mus rau tom chav kho mob xwm txheej kub ceev

Peb muaj ib tus kws kho hniav los sis kws muab kev pab kho mob uas siv cuab yeej nyob deb nrog tham tau hauv 24 xuaj moos hauv ib hnub, 7 hnub hauv ib lim tiam. Mus saib MyUHC.com/CommunityPlan los pib qhov no.

MyUHC.com/CommunityPlan yog koj lub vev xaib tswv cuab uas ruaj ntseg. Saib koj cov kev kho mob uas them rau, cov ntawv xa mus kom them nyiaj, xaiv ib tus PMP, saib koj daim phiaj kho mob cov ntaub ntawv, saib koj tus kheej cov ntaub ntawv, tau txais peb cov kev pab ntau ntxiv, thiab ntau yam ntxiv. 

Peb txuas cov neeg mus rau cov chaw muaj kev pab kom tau cov kev pab cuam dawb thaum xav tau. Tham nrog ib Tus Neeg Khiav Hauj Lwm Saib Xyuas Kev Pab Tu kom paub ntxiv.

Peb qhov UnitedHealthcare® app muaj siv tau rau ntawm koj lub smartphone. Tsuas nrhiav UnitedHealthcare hauv lub App Store los yog Google Play kom rub tau los. Koj tuaj yeem mus muab tau koj daim npav ID ua tswv cuab, xyuas koj cov nyiaj pab them nqi kho mob, muab tau cov ntawv ua kom them nyiaj, nrhiav tau cov kws muab kev pab kho mob, thiab ntau yam ntxiv.

Qho no yog ib qho mobile app rau kev noj qab haus huv thiab noj qab nyob zoo. Tau cov cuab yeej siv los pab rau kev nyuaj siab, kev ntxhov siab, thiab kev daws tej yam nyuaj. Nws yog ib qho tsis tau them nyiaj rau cov tswv cuab thiab cov uas pab lawv. Tham nrog ib Tus Neeg Khiav Hauj Lwm Saib Xyuas Kev Pab Tu kom paub ntxiv.

Tau ib lub xov tooj smartphone dawb TSIS MUAJ KEV TXWV kev sib tham, sau ntawv, thiab data. Lub xov tooj no muaj peb cov UnitedHealthcare apps puv nkaus nrog tuaj thiab muaj cov apps uas neeg nyiam siv xws li YouTube thiab WhatsApp Messaging. Ua ntawv thov kom tau ib lub rau ntawm mybenefitphone.com. Los yog hu rau peb qhov Member Services kom pab ua daim ntawv thov. 

Peb muab ntau cov kev xaiv rau kev thauj mus los. Qhov no yuav muaj xws li cov kev thauj mus rau ntawm qhov chaw qoj ib ce (gym), mus rau cov chaw muab khoom noj pub dawb, mus tos tom khw muag zaub, caij tsheb thauj mus tom kev teem caij uas tsis yog kev kho mob, los sis mus rau ntawm lub tsev muag tshuaj tom qab ntsib ib tus kws muab kev pab kho mob.

Koj muaj cov chaw los pab koj tso tseg tsis haus luam yeeb. 

Tus xov tooj hu pab txiav luam yeeb Indiana Tobacco Quitline yog 1-800-784-8669. Tau txais kev cob qhia thiab cov khoom siv dawb. Koj tseem tuaj yeem ntaus tau READY mus rau 34191 txhawm rau los rau npe kom tau cov kev pab cuam dawb. 

Quit Buddy:  Peb muab ib qho khoos kas ntxiv los pab koj tso tseg. Tau ntau txog $50 cov npav khoom plig thaum nyob rau hauv qhov khoos kas no yim lub lim tiam. Tau nyiaj thaum koj mus cuag txhua lub hom phiaj $10, los sis suav sau ib qho phaj tshab loj thaum kawg! Xaiv cov phaj tshab tuaj ntawm Target, Walmart, Amazon, los yog Starbucks. Hu rau Lub Chaw Pab Tswv Cuab kom paub meej.

Tau cov txiv hmab txiv ntoo thiab zaub tshiab xa hauv tsev xa ntawv tuaj. Tham nrog ib Tus Neeg Khiav Hauj Lwm Saib Xyuas Kev Pab Tu kom paub ntxiv.

Mus qoj ib ce tsis tau them nyiaj nyob rau ntawm ntau qhov chaw thoob plaws lub xeev, los sis xaiv qhov tawm dag zog hauv online. Hu rau Lub Chaw Pab Tswv Cuab kom paub ntxiv.

Peb muaj ntau daim ntawv tseb (brochures) qhia txog kev noj qab haus huv thiab kev mob nkeeg. Tham nrog Lub Chaw Pab Tswv Cuab txog koj cov kev xav tau rau kev noj qab haus huv. Peb yuav txuas koj nrog ib Tus Neeg Khiav Hauj Lwm Saib Xyuas Kev Pab Tu. Nws yuav pab koj tsim kom tau ib daim phiaj xwm kho mob. Nws kuj tseem tuaj yeem pab kom koj tau txais cov kev pab cuam uas koj xav tau.

Hu rau tus Neeg Khiav Hauj Lwm Muab Kev Kho Mob (Care Coordinator) rau koj kom tau ib daim ntawv theej ntawm daim ntawv tseb. Hu rau 1-800-832-4643. Cov neeg uas siv TTY yuav hu tau tawm 711. Daim ntawv no kuj tseem saib tau nyob ntawm tus as khauj myuhc.com/communityplan. Sau npe nkag rau hauv, mus rau ntawm phab Health & Wellness, thiab nias rau ntawm Health Education Library.

• 2024 Cov Kev Pab Cuam Muab Los Ntxiv - Ib daim ntawv tseb uas qhia txog cov kev pab cuam thiab cov khoos kas pab ntxiv uas muaj nyob ntawm UnitedHealthcare
• 2024 Cov Phaj Tshab Rau Cov Tswv Cuab - Ib cov ntsiab lus tseem ceeb hais txog Indiana PathWays for Aging Qhov Khoos Kas Muab Phaj Tshab Rau Cov Tswv Cuab rau 2024
• Tus mob ua rau tem toob (Alzheimer's) - Cov lus qhia me ntsis txog tus mob no
• Ntawv ceeb toom txhua xyoo rau cov tswv cuab - Koj muaj cai nug kom tau cov ntaub ntawv qhia tias daim phiaj kho mob ua hauj lwm li cas
• Cov chaw muaj kev pab rau cov neeg pab tu lwm tus - Yog tias koj muab kev pab tu rau ib tus neeg hauv tsev neeg los sis tus phooj ywg, nrhiav kom tau cov ntaub ntawv thiab cov chaw muaj kev pab los pab koj kom tau txais kev txhawb nqa raws li koj xav tau
• Cov kev xaiv kev kho tus mob -  Yuav mus nrhiav tau kev pab kom sai raws li koj cov tsos mob qhov twg
• Kev tswj tus mob ntshav siab - Qhov tseem ceeb ntawm qhov kev kuaj koj tus mob ntshav siab
• Sau Ntawv Sib Tham Nrog Tus Kws Kho Mob - Kawm kom paub txog kev mus ntsib kws kho mob hauv online yam tsis tau them nyiaj 
• Cov kev pheej hmoo thiab kev tiv thaiv kom txhob ntog - Cov tswv yim uas pab qhia kom txhob ntog nyob tom tsev
• Kev Qoj Ib Ce (Fitness) - Txawm yuav yog koj nyuam qhuav pib los sis tab tom nrhiav kom koj muaj siab xav ua dua tshiab, nrhiav kom tau cov tswv yim los pab ua kom tiav koj cov hom phiaj kev qoj ib ce
• Kom tau txais cov kev pab kho mob - Cov kev pab cuam tsis tau them nyiaj thaum koj xav tau kev kho tus mob tam sid
• Ncaim tus mob khaub thuas (flu). Nyob zoo kev noj qab haus huv dua qub -  Ntaub ntawv qhia txog kev txhaj tshuaj tiv thaiv mob khaub thuas
• Cov kev xav tau hauv sim neej ntsig txog kev noj qab haus huv - Tau txuas nrog kev pab kho mob thiab kev pab txhawb nqa rau tej yam xws li khoom noj, vaj tse nyob, tsheb thauj mus los, thiab fab nyiaj txiag 
• Cov ntawv qhia txog kev noj qab haus huv A txog Z - Mus nrhiav peb qhov chaw rau ntawv hais txog cov ncauj lus sib tham txog kev noj qab haus huv kom paub txog tej teeb meem thiab cov zwj ceeb mob uas keev muaj rau fab kev noj qab haus huv
• Nws txog lub sij hawm teem caij mus kuaj ib ce kom txhob muaj mob - Yuav ua li cas thiaj tau cov kev pab tiv thaiv kom txhob muaj mob
• Daim ntawv tseb kev kev tshaj lag luam (Marketing flyer) - Cov lus qhia me ntsis txog UnitedHealthcare Community Plan thiab Indiana PathWays for Aging lub khoos kas pab
• Kev nyuaj siab puas hlwb - Kev nkag siab txog cov teeb meem nyuaj siab puas hlwb kuj yuav pab tau koj paub txog cov hau kev los daws qhov mob thiab pab koj muab kev pab txhawb nqa rau cov neeg uas koj hlub
• Kev noj haus zoo rau lub cev - Kawm kom paub txog hau kev ua kev noj haus huv kom tsis txhob muaj mob tau yooj yim dua qub, txij ntawm qhov paub txog kev noj tej khoom muaj calories mus txog rau kev xyaum noj kom zoo rau lub siab kom zoo xwm yeem
• One Pass Fitness - Tau ib daim ntawv nkag tau mus rau ntau qhov chaw qoj ib ce yam tsis tau them nyiaj los sis muaj kev lom zem nrog cov kev qoj ib ce online nyob tom tsev
• Lub qhov ncauj tsis muaj mob thiab kab mob rau cov pos hniav - Qhov tseem ceeb ntawm kev mus kho hniav tsis tu ncua
• Kev tiv thaiv kom txhob muaj mob - Cov tswv yim qhia txog txoj hau kev npaj kom txhij rau koj qhov mus kuaj ib ce tom ntej no
• Pov thaiv koj li kev noj qab haus huv - Lujs ceeb toom txog kev txhaj tshuaj tiv thaiv kab mob rau cov muaj hnub nyoog
• Cov tswv yim qhia sai: Tus Mob Tem Toob (Dementia) - Daim ntawv muaj cov tswv yim paub txog cov tsos mob thiab muab kev tu rau ib tus neeg muaj tus mob tem toob
• Cov tswv yim qhia sai: Kev cim xeeb tau zoo - Daim ntawv muaj cov tswv yim qhia kom cim xeeb zoo dua qub
• Quit Buddy - Kawm kom paub ntau ntxiv txog qhov khoos kas pab cuam txiav tsis haus luam yeeb
• SNAP - Cov ntaub ntawv qhia paub txog Khoos Kas Muab Kev Pab Fab Kev Noj Zaub Mov Zoo Ntxiv (Supplemental Nutrition Assistance Program)

Kev pab tu lwm tus kuj yog ib qho tau txais txiaj ntsim. Tab sis qhov ua ib tus neeg pab tu lwm tus kuj yog ib qho nyuaj, thiab ua rau muaj kev nyuaj siab thiab tsis xav ua txoj hauj lwm. Peb muaj ib qho kev pab cuam los pab koj daws tej no. Peb muaj qhov hu tau tuaj rau peb txhua hli. Cov nqe lus muaj xwb li:

• Nkag siab txog cov kev xaiv kev tu xyuas
• Kev nyab xeeb hauv tsev
• Tshuaj daws mob
• Nyob kom muaj kev txuas nrog lwm tus
• Nyob nrog kev tu siab thiab ua ntsuag

Txhob ua siab deb koom nrog peb hu xov tooj sib tham txhua hli:

Thaum Twg: Hnub Tuesday Thib Peb ntawm txhua hli
Sij Hawm: 3:00 PM EST
Ua Li Cas Thiaj Tau: Ntaus 1-844-767-5679. Ntaus tus lej cim nkag tau 1893910

Yog koj tau kev pab mus sij hawm ntev los ntawm ib tus phooj ywg los yog ib tus neeg hauv tsev neeg, peb muab ib qho kev pab cuam tshwj xeeb los pab txhawb lawv. Tham nrog ib Tus Neeg Khiav Hauj Lwm Saib Xyuas Kev Pab Tu kom paub ntxiv.

Kev noj qab haus huv tsis yog ib txwm hais txog koj qhov kev xav tau kev kho mob. Qee zaum koj xav tau kev pab txuas mus rau cov peev txheej tawm hauv zej zog. Peb hus cov no tias yog kev xav tau rau txhuas tus. Cov no yog tej yam xws li vaj tse, tau txais zaub mov txhua hnub, kev mus rau tom khw muag khoom noj los sis hnov tias muaj kev nyab xeeb. Peb kuj tuaj yeem pab koj kom mus cuag tau qhov kev pab nrhiav hauj lwm ua los yog ua tiav koj txoj kev kawm. Puas xav nrhiav koj tus kheej kom tau kev pab? Mus saib UHCHealthierLives.com. Koj kuj tseem tham tau nrog koj tus Neeg Khiav Hauj Lwm Saib Xyuas Kev Pab Tu los sis Member Services. Lawv tuaj yeem muab ntawv xa koj mus rau cov koom txoos hauv zej zos.

UnitedHealthcare muaj siab cog lus ua kom koj muaj kev nyab xeeb. Yog koj los yog lwm tus nyob rau qhov muaj kev phom sij, qhia paub qhov no tam sid. Koj tus Neeg Khaiv Hauj Lwm Saib Xyuas Kev Pab Tu yuav qhia cov kev xaiv ua tau los ceev koj thiab cov neeg koj hlub kom muaj kev nyab xeeb. Koj kuj tseem qhia tau tej no koj tus kheej yam tsis tos lawm tus pab. Mus saib Ombudsman.IN.gov kom paub.

Ib phau ntawv Postbook tsim muaj cov kev sib raug zoo tob dua nrog ib tus txheeb ze los yog phooj ywg. Xaiv koj phau ntawv Postbook pal, thiab sib qhia cov post cards raws li cov tswv yim hauv phau ntawv. Peb muaj cov uas twb them tus nqi xa lawm (postage) thiab cov khoom siv nyob hauv.

Nws yog koj txoj cai los xaiv qhov kev kho mob uas koj tau txais. Qhov no suav nrog cov kev kho cawm txoj sia thaum muaj ib qho xwm txheej kub ceev.

Cov ntawv qhia txoj hauv kev ua ntej (Advance directives) yog cov lus qhia uas koj muab hais txog koj txoj kev kho mob nyob rau yam tom ntej. Cov ntawv no tseem ceeb yog tias koj tsis tuaj yeem hais lus tau los sis muab cov kev txiav txim siab rau koj tus kheej lawm. Cov lus qhia no yuav pab kom koj tsev neeg thiab tus kws kho mob nkag siab txog koj cov kev xav tau. Cov ntawv no yuav pab tiv thaiv koj txoj cai los lees txais los sis tsis kam lees txais qhov kev kho mob los sis kev phais mob. Nrog cov lus qhia ua ntej, koj tuaj yeem:

• Qhia rau txhua tus kom paub yog hais tias koj xav los sis tsis xav siv cov tshuab pab cawm txoj sia
• Qhia rau txhua tus kom paub yog hais tias koj xav muab ib qhov khoom hauv nruab nrog cev pub lwm tus
• Muab lus tso cai rau lwm tus los teb tias kam los sis tsis kam muab cov kev kho mob rau koj

Cov lus qhia ua ntej (advance directives) tsuas yog muab siv yog tias koj tsis tuaj yeem hais lus tau lawm los yog muab tau cov kev txiav txim siab rau koj tus kheej. Nws tsis tshem koj txoj cai los xaiv ib qhov txawv yog tias tom qab ntawd koj tuaj yeem hais lus tau los yog muab tau cov kev txiav txim siab rau koj tus kheej. Koj tuaj yeem ua daim ntawv qhia ua ntej los ntawm:

• Tham nrog koj tus kws muab kev pab kho mob thiab tsev neeg
• Xaiv ib tus neeg hais lus lossis txiav txim siab rau koj, hu ua tus sawv cev saib xyuas kev noj qab haus huv
• Tsim Kom Tau Ib Daim Ntawv Muab Lus Tso Cai (Power of Attorney) los sis Daim Ntawv Sau Teev Txoj Kev Kho Mob Uas Nyiam Thaum Tseem Muaj Sia (Living Will)

Puas tau npaj txhij los tsim kom tau koj daim ntawv qhia txoj hauv kev ua ntej (Advance directive)? Koj tuaj yeem mus saib rau ntawm PREPARE rau koj txoj kev kho mob. Lub vev xaib no muaj daim foos ntawm daim ntawv sau qhia txoj hau kev ua ntej pub dawb. Daim foos no muaj ua Lus Askiv thiab Lus Spanish. Yog tias koj hais lwm hom lus, thov hu rau peb ntawm 1-800-832-4643 yog xav tau kev pab. Peb yuav muab koj txuas mus rau ib tus neeg uas tuaj yeem pab tau.

Yog xav paub ntxiv, thov mus saib hauv Indiana Lub Chaw Fab Saib Xyuas Hauj Lwm Kev Noj Qab Haus Huv ntawm Lub Xeev (State Department of Health). Lub vev xaib no piav qhia txog txoj cai lij choj hauv Indiana. Nws kuj tseem muaj lwm yam foos thiab.

Yog tias koj muaj ib daim ntawv sau qhia txoj hau kev ua ntej lawm ces koj cov kws kho mob thiab txhua tus neeg nyob ib ncig koj yuav tsum hwm cov kev xav tau ntawd. Yog tias koj tau txais cov kev pab cuam uas koj tsis pom zoo rau, ces koj muaj txoj cai los foob tsis txaus siab mus rau lub xeev ntawm Indiana. Koj tuaj yeem foob tsis txaus siab ncauj dawb ncauj lug los sis sau ua ntawv. Peb tuaj yeem pab koj los sau ib tsab ntawv tsis txaus siab. Yog tias koj yog ib tus neeg uas tau txais kev tso cai uas yog tus los hais lus sawv cev rau tus tswv cuab uas tsis tuaj yeem muab kev txiav txim siab rau lawv tus kheej lawm, ces tib cov cai no siv tau rau.

Kev kawm kom paub siv thiab lom zem nrog internet yog ib qho yeej tsis tau lig li. Qhov no yog ib lub website muaj ntau yam rau koj. Nws muab cov hoob kawm muaj neeg qhia rau cov neeg muaj hnub nyoog siab dua lawm, uas yog coj los ntawm cov neeg muaj hnub nyoog siab dua lawm thiab. Mus saib MyUHC.com/CommunityPlan los mus koom. Tus neeg khiav hauj lwm muab kev kho mob (care coordinator) rau koj tuaj yeem pab tau koj rau npe. 

Koj muaj qee txoj cai thiab lub luag haujlwm thaum koj tso npe. Nws yog ib qho tseem ceeb uas koj nkag siab tag nrho koj cov cai thiab koj lub luag haujlwm. Yog xav paub ntxiv txog koj txoj cai thiab lub luag hauj lwm muab tau (download) ntawm no.

Koj yog peb tus hero, thiab koj cov lus tawm suab tseem ceeb. HERO yog txhais hais tias Health, Empowerment, Opportunities, thiab Resources. Lub hom phiaj ntawm pawg neeg HERO Council yog mloog seb koj muaj dab tsi hais. Peb ua raws koj cov tswv yim los txhim kho peb cov khoos kas thiab cov kev pab cuam kom ua tau zoo dua qub. Peb tsa muaj cov rooj sib tham uas yog tus neeg tuaj koom kiag los yog hauv lub xov tooj txhua hli. Cov tswv cuab yuav tau txais phaj tshab thaum tuaj mus koom. Txhua tus neeg uas muab kev pab rau tus tswv cuab tuaj koom tau lub rooj sib tham. Peb muaj khaub noom thiab dej haus, thiab muaj tsheb thauj dawb los yog ntxiv nyiaj rau koj qhov nqi roj. Peb tuaj yeem npaj kom muaj ib tus neeg txhais lus yog koj xav tau ib tus. Cov rooj sib tham muaj cov kev sib tw ua si (games), rho npe tau khoom, muaj neeg tuaj hais lus, thiab sib qhia tej yam yus xa qhia rau lwm tus paub.

Peb xav hnov los ntawm koj! Hu rau Member Services los mus koom nrog.

Peb xav hnov ​​los ntawm peb cov tswv cuab txog cov lus nug, cov kev tsis txaus siab, los sis cov kev txhawj xeeb uas tej zaum koj muaj. Yog tias koj muaj lus tsis txaus siab, thov hu rau Chaw Pab Cuam Tswv Cuab tus xov tooj hu dawb, ntawm 1-800-832-4643, TTY 711.

Yog hais tias koj tsis txaus siab rau koj qhov kev saib xyuas los sis kev kho mob los ntawm Lub Chaw Pab Tswv Cuab, Tus Khiav Hauj Lwm Saib Xyuas Kev Kho Mob los sis tus kws muab kev pab kho mob, koj tuaj yeem ua tau ib daim ntawv tsis txaus siab. Koj tuaj yeem sau ib daim ntawv tsis txaus siab los sis tsis haum siab tawm tsam peb (daim phiaj npaj kho mob) los sis ib tus kws kho mob txhua lub sij hawm.

Cov tswv cuab tuaj yeem hais tau qhov uas tsis txaus siab ntawd rau lub Chaw Pab Tswv Cuab txij thaum 8 AM txog 8 PM EST, hnub Monday txog Friday, ntawm 1-800-832-4643, TTY 711. Txhua tus tswvcuab tuaj yeem sau ntawv tsis txaus siab los ntawm txoj haujlwm no. 

Koj kuj tseem tuaj yeem xa ib tsab ntawv. Thov sau koj lub npe, chaw nyob, tus lej ID ua tswv cuab, vim li cas koj tsis txaus siab, thiab lwm yam ntaub ntawv koj xav tias tseem ceeb. Qhov chaw nyob ntawd yog:

UnitedHealthcare Cov Kev Tsis Txaus Siab Thiab Thov Kom Muab Qhov Teeb Meem Los Hais Dua
Chaws nyob P.O. Box 31364
Salt Lake City, UT 84131-0364

Koj muaj lwm cov cai uas muaj xws li kev thov rov hais dua thiab Lub Xeev Lub Rooj Mloog Kev Ncaj Ncees (State Fair Hearing). Yog xav paub ntxiv txog kev tsis txaus siab thiab kev thov rov hais dua, hu rau Cov Chaw Pabcuam Tswvcuab lossis saib Tshooj Lus Thov thiab Kev Tsis Txaus Siab ntawm Cov Tswv Cuab Phau Ntawv.

Yog tias koj tsis txaus siab rau qhov txiaj ntsig tau los ntawm txoj kev foob tsis txaus siab los sis txoj kev thov rov txiav txim dua, ces koj muaj cai thov kom hloov cov phiaj xwm tuav pov hwm kho mob mus raws txoj cai ncaj ncees. Cov kev thov tuaj yeem ua tau nyob rau hauv xov tooj los sis raws kev xa ntawv mus rau Maximus. Maximus yog ib tug kws khom luam tso npe nkag ntawm lub xeev. Lawv lis qhov txheej txheem kev thov raws txoj cai ncaj ncees ntawd tsuas yog tom qab qhov foob tsis txaus siab tau muab ua tiav lawm xwb. Maximus yog lub koom txoos uas hu tau hais txog kev hloov pauv cov phiaj xwm tuav pov hwm kho mob. Tus naj npawb xov tooj yog 1-866-963-7383. Koj kuj tseem tuaj yeem xa ib tsab ntawv. Qhov chaw nyob yog:

Maximus
101 W. Ohio Street
Indianapolis, IN 46204

Peb muaj Daim Ntawv Ceeb Toom Txog Kev Tiv Thaiv Tus Kheej uas qhia koj tias cov ntaub ntawv kev noj qab haus huv hais txog koj yuav raug siv thiab sib qhia li cas. Peb yuav tsum tau txoj cai lij choj qhia rau koj paub tias Daim Ntawv Ceeb Toom muaj, thiab koj tuaj yeem tau txais daim ntawv luam li cas. Saib ib daim qauv ntawm Peb Daim Ntawv Ceeb Toom Txog Kev Tiv Thaiv Tus Kheej.

Kev dag kom tau txais kev pab, kev siv luam thuam, thiab kev siv tsis raws cai yog cov teeb meem loj. Muaj peev xwm raug nplua raws li txoj cai. Yog xav qhia paub, hu rau tus xov tooj UnitedHealthcare Fraud Hotline ntawm 1-844-359-7736. Koj kuj tseem hu tau rau qhov chaw pab cov tswv cuab (Member Services) ntawm 1-800-832-4643. Peb yuav tsis siv koj npe thaum koj qhia rau peb paub. Koj yuav tsis ntsib teeb meem dab tsi thaum koj qhia qhov no. Peb yuav xyuas qhov teeb meem rau koj. Lub Xeev Indiana kuj muaj ib tus xov tooj hu qhia paub txog kev dag kom tau txais kev pab, kev siv luam thuam, thiab kev siv tsis raws cai. Koj hu tau rau 1-800-403-0864. Koj kuj qhia tau yam tsis tas qhia koj lub npe. Cov neeg siv TTY yuav hu tau 711 rau txhua qhov kev xaiv ua.

Yog xav paub ntxiv txog kev dag kom tau txais kev pab, kev siv luam thuam, los yog kev siv tsis raws cai, koj yuav qhia tau online mus rau ntawm no.