Indiana PathWays for Aging - Cov Nqe Lus Nug Uas Kheev Nquag Nug Tas Li

Indiana PathWays for Aging yog ib qho khoos kas pab kho mob uas raug tswj hwm los ntawm Medicaid rau cov Hoosiers uas muaj hnub nyoog 60 xyoo thiab tshaj saud uas tau txais cov nyiaj pab ntawm Medicaid (los sis Medicaid thiab Medicare). Kev tshawb fawb ua rau pom tias cov neeg muaj hnub nyoog siab dua lawm feem coob - 75% los sis ntau dua - xav kom nyob laus rau hauv lub tsev thiab hauv lawv lub zej zos.

Yog hais tias koj tsis rau npe rau hauv Indiana Medicaid, tej zaum koj kuj muaj feem tau txais. Yog xav nrhiav kom paub seb koj puas muaj cai tau txais los yog muaj lus nug txog qhov kev pab them nqi rau koj tam sim no, saib in.gov/Medicaid/members. Koj kuj tseem hu tau rau qhov khoos kas tus xov tooj hu pab rau Indiana PathWays for Aging ntawm 1-877-284-9294.

Ib daim phiaj kho mob yog ib lub tuam txhab muab ntawv tuav pov hwm kho mob. Cov kws kho mob, cov tsev kho mob, thiab lwm cov kws muab kev pab kho mob, suav nrog rau cov kws muab kev pab kho mob uas muaj ntawv zam rau (waiver), tso npe nrog ib daim phiaj kho mob los muab kev kho mob rau cov tswv cuab. Indiana cov neeg koom tes nrog cov phiaj xwm kho mob rau nws qhov Indiana PathWays for Aging, Hoosier Healthwise, Healthy Indiana Plan, thiab Hoosier Care Connect cov khoos kas pab. UnitedHealthcare yog ib daim phiaj kho mob rau Indiana PathWays for Aging thiab Hoosier Care Connect.

Ib daim phiaj kho mob muab kev pab them nqi kho mob rau cov tswv cuab. Tom qab ib tus tswv cuab xaiv tau nws daim phiaj kho mob rau nws qhov khoos kas Medicaid lawm, nws tuaj yeem tau kev pab kho mob los ntawm ntau tus kws muab kev pab kho mob, thiab muaj ib cov, yog tau los ntawm cov kws muab kev pab kho mob muaj qhov zam rau. Cov phiaj xwm kho mob muab txoj kev khiav hauj lwm muab kev pab kho mob ntxiv los pab cov tswv cuab kom nrhiav tau ntau cov kev pab uas lawv muaj feem tau txais. Cov phiaj kho mob kuj tseem muab txoj kev khiav hauj lwm pab cuam thiab.

Yog, koj yuav tau txais ib daim npav tswv cuab (member ID card) los ntawm UnitedHealthcare Community Plan. Txhua tus neeg hauv tsev neeg uas rau npe nrog rau Indiana PathWays for Aging yuav tsum muaj lawv tus kheej daim npav ID.

Koj yuav tau muaj koj daim npav ID ua tswv cuab rau txhua qhov kev mus ntsib kws muab kev pab kho mob, tsev kho mob, thiab kws muag tshuaj. Yog tias koj tsis tau txais koj daim npav ID hauv ib lub lim tiam ntawm koj hnub pib rau npe nrog UnitedHealthcare Community Plan, thov hu rau Cov Chaw Pab Cuam Tswv Cuab ntawm 1-800-832-4643. Yog tias koj tsis hnov lus lossis hais lus tsis zoo, thov hu rau TTY 711.

Peb zoo siab xa ib qho tshiab rau koj. Thov hu rau Chaw Pabcuam Tswvcuab hu dawb, ntawm 1-800-832-4643. Yog tias koj tsis hnov lus los sis hais lus tsis tau, hu rau TTY: 711. Koj kuj tseem mus tau rau myuhc.com/communityplan. Tom qab koj sau npe nkag lawm, koj yuav mus rub tau, luam tawm, los yog thov ib daim npav ID tshiab.

Ib tus Neeg Khiav Hauj Lwm Muab Kev Kho Mob (Care Coordinator) yog tus neeg uas hu rau koj los tsim ib daim phiaj kho mob rau tus kheej kom tau raws li cov koj nyiam thiab cov kev xav tau. Nws tseem tuaj yeem pab teb cov lus nug txog koj txoj kev kho mob thiab pab koj hais txog koj cov kws muab kev pab kho mob. Peb yuav muab tus Neeg Khiav Hauj Lwm Muab Kev Kho Mob (Care Coordinator) tus xov tooj rau koj. Koj kuj tseem hu tau rau Lub Chaw Pab Cuam Tswv Cuab (Member Services) ntawm 1-800-832-4643 (TTY: 711) kom txuas tau.

Ib tus Neeg Khiav Hauj Lwm Muab Kev Pab (Service Coordinator) yog tus neeg uas yuav ua hauj lwm nrog koj los tsim ib Daim Phiaj Muab Kev Pab rau tus kheej los pab khiav koj cov kev pab Home and Community-Based Services (HCBS). Daim Phiaj Muab Kev Pab yuav pab koj tsim kom tau ib daim phiaj muaj tau cov kev pab thiab kev txhawb uas ua tau zoo tshaj plaws raws li koj cov kev xav tau thiab cov hom phiaj.

Tham nrog UnitedHealthcare Tus Neeg Khiav Hauj Lwm Muab Kev Kho Mob rau koj los sib tham txog koj cov kev xaiv. Tus Neeg Khiav Hauj Lwm Muab Kev Kho Mob (Care Coordinator) rau koj yuav ua cov kev txheeb xyuas txog kev noj qab haus huv thiab xa koj mus rau tus Neeg Khiav Hauj Lwm Muab Kev Pab (Service Coordinator) los txiav txim seb koj puas muaj feem tau txais cov kev pab uas koj xav kom nyob tau hauv koj lub tsev.

Koj yuav xav los tiv tauj nrog koj lub UnitedHealthcare Tus Neeg Khiav Hauj Lwm Muab Kev Kho Mob (Care Coordinator) txhawm rau sab laj txog koj cov kev xaiv. Peb yuav ua cov kev txheeb xyuas txog kev noj qab haus huv thiab xa koj mus txiav txim seb koj puas muaj feem tau txais cov kev pab uas koj xav tau nyob hauv ib lub tsev laus.

Ib qho kev ntsuam xyuas txog kev noj qab haus huv yog ib cov nqe lus nug txog koj tus cwj pwm kev coj, tej xwm txheej hloov pauv hauv lub neej, cov hom phiaj kev noj qab haus huv thiab cov hauj lwm tseem ceeb, kev khiav hauj lwm kom tau kev pab thiab kev noj qab haus huv txhua yam. Peb yuav siv cov kev ntsuam xyuas no los tsim kom tau ib daim phiaj muab kev kho mob raws li cov koj nyiam thiab cov kev xav tau.

Ib diam phiaj muab kev pab yog tsim los ntawm tus Neeg Khiav Hauj Lwm Muab Kev Pab rau koj kom koj tau txais cov kev pab mus sij hawm ntev, thiab cov kev pab kho mob, kev sib fim nrog lwm tus, vaj tse nyob, kev kawm, thiab lwm yam kev pab txhawb nqa. Tsis yog txhua tus hauv PathWays yuav tau muaj ib daim phiaj muab kev pab.

Koj tuaj yeem hu tau rau Indiana PathWays for Aging Tus Xov Tooj Hu Pab (Helpline) ntawm 1-877-284-9294 (1-87-PATHWAY-4).

Cov kev pab khiav hauj lwm kho mob muaj rau txhua tus tswv cuab hauv PathWays. Cov tswv cuab uas ua tau raws li cov cai muaj feem tau txais kev pab yuav tau txais qhov kev khiav hauj lwm muab kev pab thiab cov kev pab cuam ntxiv:

• Cov kev pab cuam tu xyuas cov neeg laus yav nruab hnub
• Kev tu xyuas tsev neeg uas muaj tus neeg laus
• Kev pab kom nyob taus
• Kev nyob ntawd pab tu xyuas
• Kev hloov kho vaj kho tsev
• Kev khiav hauj lwm muab kev kho mob kom noj qab haus huv
• Kev xa cov pluas mov-txog tom tsev
• Cov khoom noj haus
• Lab npauv hais daws thaum muaj xwm txheej ceev rau tus kheej
• Kev pab kom tau so
• Cuab yeej siv kho mob tshwj xeeb
• Kev tu xyuas tsev neeg uas muaj lub tsev
• Tsheb Thauj Mus Los
• Kev hloov kho tsheb
  

Koj yuav hu tau rau UnitedHealthcare Lub Chaw Pab Cuam Tswv Cuab ntawm 1-800-832-4643 los sis siv lub cuab yeej pab Nrhiav ib tus Kws Muab Kev Pab Kh Mob (Find a Provider tool) hauv online los mus tshawb nrhiav seb cov kws muab kev pab kho mob twg nyob hauv peb pab pawg kho mob koom tes ua ke. Koj kuj tseem tuaj yeem hu tau rau Indiana PathWays for Aging Tus Xov Tooj Hu Pab (Helpline) ntawm 1-877-284-9294 (1-87-PATHWAY-4). kom tau txais kev pab.

Cov neeg muab kev pab tu xyuas lwm tus tuaj yeem hu rau UnitedHealthcare Lub Chaw Pab Cuam Tswv Cuab ntawm 1-800-832-4543. Peb tuaj yeem qhia tau cov chaw muaj kev pab los pab txhawb nqa koj thiab PathWays tus tswv cuab.

Tom qab qhov kev rau npe nkag hauv ib daim phiaj kho mob thawj zaug lawm, koj lub sij hawm xaiv kom tau ib daim phiaj kho mob rau Pathways yog yav nrab ntawm lub Kaum Hli Ntuj mus rau nrab ntawm lub Kaum Ob Hlis Ntuj txhua xyoo. Qhov no los kuj tseem yog qhov qhib rau npe rau Medicare thiab.

Yog tias koj muaj npe rau hauv PathWays lub khoos kas pab lawm, koj yuav tau txais ib tsab ntawv tuaj ntawm Feem Saib Xyuas Hauj Lwm Chaw Pab Cuam Rau Tsev Neeg (Division of Family Resources) los sis tus Kws Saib Xyuas Kev Rau Npe (Enrollment Broker).

Txhua txhua 12 lub hlis cov tswv cuab yuav tsum tau ua kom tiav tus txheej txheem rov txiav txim dua seb puas muaj feem tau txais kev pab. Qhov no suav nrog qhov muaj feem tau txais fab nyiaj txiag thiab kev kho mob. Yog koj cov ntaub ntawv muaj tej yam hloov pauv, FSSA yuav xav ib tsab ntawv tuaj kom koj teb kom thiaj muaj feem tau txais kev pab mus ntxiv ua ntej lub sij hawm 12 lub hlis los xaus. Tej zaum FSSA yuav nug ntxiv kom koj qhia tias muaj tseeb hais txog koj cov nyiaj tau los thiab koj cov khoom muaj nqis.

Koj yuav tsum tau rov ua ntawv toj sij hawm dua tshiab rau koj qhov kev pab them nqi txhua txhua xyoo. Koj ua tau qhov no los ntawm kev mus ntsib qhov chaw ua hauj lwm ntawm Feem Saib Xyuas Hauj Lwm Chaw Muab Kev Pab Cuam Rau Tsev Neeg (Division of Family Resources) hauv koj cheeb tsam los yog hauv koj tus as khauj chaw nkag (portal account) ntawm https://fssabenefits.in.gov/bp/#/. Peb kuj tseem pab tau koj rov ua ntawv toj sij hawm dua tshiab rau koj qhov kev pab them nqi thiab.
 

Yog hais tias koj tsiv tawm, koj yuav tsum tau tiv tauj Lub Xeev Indiana mus qhia rau lawv paub. Mus saib in.gov/Medicaid/memberslos yog hu rau qhov Indiana PathWays for Aging khoos kas tus xov tooj hu pab ntawm 1-877-284-9294.

Tau, cov neeg tuaj yeem hloov tau daim phiaj kho mob tsis pub dhau 90 hnub suav txij hnub pib rau npe rau PathWays, thaum lub sij hawm muab rau sawv daws xaiv ib daim phiaj kho mob txhua xyoos, los yog txhua lub sij hawm yog hais tau meej tias yog vim li cas. Hu rau Indiana PathWays for Aging Tus Xov Tooj Hu Pab (Helpline) ntawm 1-877-284-9294 (1-87-PATHWAY-4) los tham txog koj cov kev xaiv.

UnitedHealthcare yuav ua hauj lwm nrog koj daim phiaj kho mob Medicaid thiab daim phiaj kho mob Medicare ob qho tib si los khiav txoj hauj lwm muab kev kho mob rau koj. Qhov no suav nrog kev txuas mus kom tau cov kev pab txhawb nqa fab kev kho mob thiab lub zej zos uas koj xav tau. Peb kuj tseem tuaj yeem pab tau koj kom tau cov kev pab uas tsis raug them nqi los ntawm Medicare.

Yog. Ib tus neeg tuaj yeem muaj feem tau txais Medicaid thiab Medicare ob qho tib si thiab tau txais cov nyiaj pab los ntawm ob qho khoos kas pab nyob rau tib lub sij hawm.

Medicaid yog ib qhov kev pab nyiaj los ntawm tsoom fwv teb chaws thiab lub xeev, uas them nyiaj rau kev kho mob rau cov uas tsim nyog. Yog xav paub ntau ntxiv txog cov kev pab cuam sib txawv uas muaj hauv Indiana, saib in.gov/Medicaid/members

Ib Daim Phiaj Muaj Ob Yam Kev Pab Xav Tau Tshwj Xeeb Uas Muaj Feem Tau Txais yog ib hom phiaj xwm tuav pov hwm kho mob. Nws yog rau cov neeg uas muaj Medicaid thiab Medicare ob qho tib si. Yog tias qhov ntawd yog koj, koj yog "muaj feem tau txais ob yam kev pab."

Koj tuaj yeem nrhiav tau cov ntaub ntawv qhia hais txog D-SNPs los ntawm kev tiv tauj rau State Health Insurance Assistance Program (SHIP) ntawm 1-800-452-4800 los mus tham nrog ib tus kws pab tswv yim. SHIP yog ib qho khoos kas pab tswv yim rau cov neeg muaj Medicare yam tsis tau them nyiaj. Koj tuaj yeem tau txais kev pab uas yog ntsib kiag tus neeg, tham hauv lub xov tooj, los sis siv cuab yeej nyob deb tham online.

UnitedHealthcare
Attn: PathWays
2955 N. Meridian Street, Suite 401
Indianapolis, IN 46208

Peb xav hnov ​​los ntawm peb cov tswv cuab txog cov lus nug, kev tsis txaus siab lossis kev txhawj xeeb uas koj muaj. Yog tias koj muaj lus tsis txaus siab, thov hu rau Chaw Pab Cuam Tswv Cuab tus xov tooj hu dawb, ntawm 1-800-832-4643, TTY 711, hnub Monday - hnub Friday txij thaum 8 AM - 8 PM ET.

Yog hais tias koj tsis txaus siab rau koj qhov kev saib xyuas los sis kev kho mob los ntawm Lub Chaw Pab Tswv Cuab, cov neeg ua hauj lwm saib xyuas qhov phiaj xwm kho mob, los sis tus kws muab kev pab kho mob, koj tuaj yeem ua tau ib daim ntawv tsis txaus siab. Koj tuaj yeem sau ntawv tsis txaus siab lossis tsis txaus siab rau peb (txoj kev npaj khomob) lossis tus kws khomob nrog peb txhua lub sijhawm.

Koj kuj tseem tuaj yeem xa ib tsab ntawv. Thov sau koj lub npe, chaw nyob, tus lej ID, qhov laj thawj tias vim li cas koj tsis txaus siab, thiab lwm yam ntaub ntawv koj xav tias tseem ceeb. Qhov chaw nyob ntawd yog:

UnitedHealthcare Cov Kev Tsis Txaus Siab Thiab Thov Kom Muab Qhov Teeb Meem Los Hais Dua
Chaws nyob P.O. Box 31364
Salt Lake City, UT 84131-0364

Koj muaj lwm cov cai uas muaj xws li kev thov rov hais dua thiab Lub Xeev Lub Rooj Mloog Kev Ncaj Ncees (State Fair Hearing). Yog xav paub ntxiv txog kev tsis txaus siab thiab kev thov rov hais dua, hu rau Cov Chaw Pabcuam Tswvcuab lossis saib Tshooj Lus Thov thiab Kev Tsis Txaus Siab ntawm Cov Tswv Cuab Phau Ntawv.

Yog koj xav tias kev dag kom tau txais kev pab, kev siv luam thuam los yog kev siv tsis raws cai tseem tab tom muaj mus ntxiv, hu rau UnitedHealthcare Fraud Hotline ntawm 1-844-359-7736. Koj kuj tseem hu tau rau qhov chaw pab cov tswv cuab (Member Services) ntawm 1-800-832-4643. Peb yuav tsis siv koj npe thaum koj qhia rau peb paub. Koj yuav tsis ntsib teeb meem dab tsi thaum koj qhia qhov no. Peb yuav xyuas qhov teeb meem rau koj. Lub Xeev Indiana kuj muaj ib tus xov tooj hu qhia paub txog kev dag kom tau txais kev pab, kev siv luam thuam thiab kev siv tsis raws cai. Koj hu tau rau 1-800-403-0864. Koj kuj qhia tau yam tsis tas qhia koj lub npe. Cov neeg siv TTY yuav hu tau 711 rau txhua qhov kev xaiv ua.

Yog xav paub ntxiv los sis qhia paub online mus rau ntawm no

Tsis muaj. Qhov Indiana PathWays for Aging khoos kas no tsis muaj tus nqi yus nrog them ib qho twg li.

Tsis tau them. Peb ua raws ib daim ntawv teev npe tshuaj uas zoo tib yam rau tas nrho Indiana PathWays for Aging cov tswv cuab. Yog tias hais kom koj them rau cov nqi tshuaj, thov qhia rau tus kws muab tshuaj paub tam sid. Cov teeb meem keev muaj nyob ntawm lub tsev muag tshuaj yog: 

• Lub tsev muag tshuaj tsis muaj cov ntaub ntawv txhij txhua. Muab koj daim npav ID Ua Tswv Cuab rau lawv saib. Qhov ntawd muaj cov ntaub ntawv kev them nqi uas raug nyob ntawd.
• Lub tsev muag tshuaj tsis tau teeb txhij los txais koj qhov kev pab them nqi duav roos ntawm UnitedHealthcare rau Indiana PathWays for Aging. Tej zaum koj yuav tau hloov lub khw muag tshuaj mus rau lwm lub. Walgreens yog peb thawj lub tsev muag tshuaj. Nws tseem muaj lwm cov tsev muag tshuaj ntau lub ntxiv rau koj. Thov siv lub twj nrhiav tsev muag tshuaj (Find a Pharmacy tool) nyob ntawm qhov chaw no. Tej zaum koj kuj tseem yuav tau hu mus rau Lub Chaw Pab Cov Tswv Cuab kom tau cov npe ntawm cov tsev muag tshuaj nyob ze koj.

Nws yeej tsis muaj qhov uas hais kom koj them rau tus nqi ntawm koj cov tshuaj. Hu rau Lub Chaw Pab Cov Tswv Cuab tam sid yog qhov no muaj tshwm sim. Peb yuav pab kom koj tau cov tshuaj uas koj xav tau.

Peb cov tswv cuab tuaj yeem nkag cuag tau ntau cov kev pab cuam thiab cov khoos kas pab tshwj xeeb. Cov ntsiab lus meej tseeb uas tau teev rau hauv peb phau ntawv qhia tswv cuab. Ntawm no yog qee yam uas peb muab:

• Farmbox: Tau cov txiv hmab txiv ntoo thiab zaub tshiab xa hauv tsev xa ntawv tuaj.
• Khoos kas pab qoj ib ce: Mus qoj ib ce tsis tau them nyiaj nyob rau ntawm ntau qhov chaw thoob plaws lub xeev, los sis xaiv qhov tawm dag zog hauv online.
• HERO Council: Koj yog peb tus hero, thiab koj cov lus tawm suab tseem ceeb. Cov tswv cuab yuav tau txais ib daim npav khoom plig, muaj yeej tau txais phaj tshab, thiab ntau yam ntxiv thaum yog ib feem ntawm pawg neeg tseem ceeb no. 
• Indiana Tus Xov Tooj Quitline: Tso tseg txhob haus luam yeeb tam sim no. Lub Xeev Indiana muab tus xov tooj Indiana Quitline ntawm 1-800-QUIT-NOW (1-800-784-8669). Koj tseem ntaus tau ntawv READY mus rau 34191 los yog mus saib QuitNowIndiana.com los mus rau npe kom tau cov khoom siv thiab cov kev pab cuam uas tsis tau them nyiaj.
• Kev pab rau fab kev cai lij choj: Peb txuas cov neeg mus rau cov chaw muaj kev pab kom tau cov kev pab cuam dawb thaum xav tau.
• Cov phaj tshab rau tswv cuab: Tau cov phaj tshab rau ntawm qhov txuas tau nrog peb thiab muab cov kev xaiv kom noj qab haus huv. Thaum koj tau ib qho phaj tshab, koj mus xaiv tau ib qho nyob ntawm peb phau ntawv teev cov npe khoom phaj tshab rau cov tswv cuab. 
• NurseLine (Tus Xov Tooj Pab Kho Mob): Hu rau ib tus kws tu neeg mob kom pab muab tswv yim 24/7.
• Postbook: Ib phau ntawv Postbook tsim muaj cov kev sib raug zoo tob dua nrog ib tus txheeb ze los yog phooj ywg. Xaiv koj phau ntawv Postbook pal, thiab sib qhia cov post cards raws li cov tswv yim hauv phau ntawv. Peb muaj cov uas twb them tus nqi xa lawm (postage) thiab cov khoom siv nyob hauv.
• Quit Buddy: UnitedHealthcare muab kev pab txhawb ntxiv thaum koj tso tseg tsis haus luam yeeb lawm. Tau ntau txog $50 cov npav khoom plig thaum nyob rau hauv qhov khoos kas no yim lub lim tiam. Tau nyiaj thaum koj mus cuag txhua $10 hom phiaj, los sis suav sau tas nrho cov phaj tshab thaum kawg! Xaiv cov phaj tshab tuaj ntawm Amazon, Starbucks, Target, los yog Walmart.
• Kev pab hloov kom tau so (Respite support): Yog koj tau kev pab mus sij hawm ntev los ntawm ib tus phooj ywg los yog ib tus neeg hauv tsev neeg, peb muab ib qho kev pab cuam tshwj xeeb los pab txhawb lawv.
• Lub ev Kev Tu Tus Kheej (Self Care app): Qho no yog ib qho mobile app rau kev noj qab haus huv thiab noj qab nyob zoo. Tau cov cuab yeej siv los pab rau kev nyuaj siab, kev ntxhov siab, thiab kev daws tej yam nyuaj. Nws yog ib qho tsis tau them nyiaj rau cov tswv cuab thiab cov uas pab lawv.
• Smartphone: Ua ntawv thov ntawm mybenefitphone.com thiab tau ib lub smartphone tsis tau them nyiaj uas tham tau, ntaus tau ntawv, thiab cov ntaub ntawv uas TSIS MUAJ TXWV. Lub xov tooj no muaj peb cov UnitedHealthcare apps puv nkaus nrog tuaj thiab muaj cov apps uas neeg nyiam siv xws li YouTube thiab WhatsApp Messaging. 
• Kev Muab Tsheb Thauj Mus Los: Peb muab ntau cov kev xaiv rau kev thauj mus los. Qhov no yuav muaj xws li cov kev thauj mus rau ntawm qhov chaw qoj ib ce (gym), mus rau cov chaw muab khoom noj pub dawb, mus tos tom khw muag zaub, caij tsheb thauj mus tom kev teem caij uas tsis yog kev kho mob, los sis mus rau ntawm lub tsev muag tshuaj tom qab ntsib ib tus kws muab kev pab kho mob.
• Chaw siv cuab yeej nyob deb sib tham (Virtual community center): Kev kawm kom paub siv internet yog ib qho yeej tsis tau lig li. Qhov no yog ib lub website muaj ntau yam rau koj. Nws muab cov hoob kawm muaj neeg qhia rau cov neeg muaj hnub nyoog siab dua lawm, uas yog coj los ntawm cov neeg muaj hnub nyoog siab dua lawm thiab. 
• Kev Siv Cuab Yeej Ntsib Kws Kho Mob Nyob Deb Tham (Virtual Visits): Peb muaj ib tus kws kho hniav los sis kws muab kev pab kho mob uas siv cuab yeej nyob deb nrog tham tau hauv 24 xuaj moos hauv ib hnub, 7 hnub hauv ib lim tiam. 

Koj yuav tsum muaj ib daim npav ID ua tswv cuab. Nyob rau ntawm daim npav koj yuav pom ib tus naj npawb 12 tus leg xaus ua 99. Qhov no yog tus naj npawb ID uas muab rau koj los ntawm lub Xeev Indiana. Yog hais tias koj tsis muaj ib daim npav ID ua tswv cuab thov hu mus rau Lub Chaw Pab Cuam Tswv Cuab. Peb mam li xa ib daim npav tshiab tuaj rau koj. 

Muaj! Koj mus saib tau qhov Google los yog Apple App ntawm koj lub smartphone. Rub UnitedHealthcare Mobile App. Qhov no muaj ib daim npav digitai ID kom koj thiaj muaj daim npav tas li. Koj kuj tseem tuaj yeem mus saib tau cov ntawv kom them nyiaj thiab tau txais kev kho mob. Peb muaj ib tus Xov Tooj Hu Rau Kws Tu Neeg Mob (NurseLine) thiab lub app Sib Tham Nrog Kws Kho Mob 24 xuaj moos ib hnub, 7 hnub ib lub lim tiam.

Cov as khauj email no nws muaj ntau cov kev xaiv uas tsis tau them nyiaj thiab yog tus kheej li. Ob tug uas neeg nyiam siv tshaj plaws yog Yahoo thiab Gmail. Cov lus qhia ua muab teev rau hauv qab no. Puas xav tau kev pab? Hu rau Lub Chaw Pab Cuam Tswv Cuab ntawm tus xov tooj pom nyob sab nraum qab ntawm koj daim npav ID. Peb tuaj yeem pab tau koj teeb kom tau ib tus as-khauj.

Yog xav rau npe teeb kom tau ib tus as khauj xa ntawv hauv Yahoo:

• Mus saib phab ntawv qhia tsim kom tau ib tus as-khauj (link “account creation page” los mus: https://login.yahoo.com/account/create)
• Ntaus koj lub npe tas nrho rau, koj tus chaw nyob email thiab tus password uas koj nyiam siv, thiab koj lub xyoos yug koj.
• Nias rau ntawm Continue thiab ua mus raws li cov lus qhia (prompts) los ua kom teeb tau koj tus as-khauj

Yog xav tsim kom tau ib tus as khauj Gmail, mus saib https://accounts.google.com/signup. Txij ntawd mus:

• Sau koj lub npe thiab lub xeem.
• Ntaus koj lub username uas koj xaiv rau. Qhov no yuav yog thawj feem ntawm koj tus email chaw nyob (feem ua xub los ua ntej @gmail.com).
• Ntaus koj tus password rau, tom qab ntawd ntaus ib zaug ntxiv rau hauv lub Confirm box. Koj tus password yuav tsum muaj tsawg kawg 8 tus ntawv (characters) ntev thiab kom muaj cov tsiaj ntawv, cov naj npawb, thiab lwm cov cim sib xyaws.
• Nias rau ntawm Next.
• Yog koj nyiam, ntaus ib tus chaw nyob email thiab xov tooj kom rov muab tau tsam koj raug muab kaw nrhiav tsis tau koj qhov chaw nyob email tshiab lawm. Cov kauj ruam no yog nyob ntawm siab nyiam.
• Ntaus koj lub hnub yug thiab seb koj yog poj niam los txiv neej.
• Ces nias rau ntawm Next ntxiv.
• Nyeem cov cai thiab cov kev pab ces nias rau ntawm I Agree. Lom zem siv tau koj tus as-khauj Gmail tshiab uas tsis tau them nyiaj!