Hmm … saib zoo li koj lub browser qub lawm.
Los hloov kho koj tus browser kom koj tuaj yeem txaus siab tau ntsib lub vev xaib uas ua hauj lwm tau nrawm dua thiab nyab xeeb dua.
Peb Qhov Khoos Kas Txhim Kho Kom Ua Tau Zoo Tshaj Qub
Nyob rau ntawm United Healthcare (UHC), peb txoj dej num yog los pab tsoom neeg sawv daws ua lub neej kom noj qab nyob zoo dua qub thiab ua kom txoj hauj lwm pab rau txoj kev noj qab haus huv ua tau zoo dua rau txhua tus. Peb muab kev pab cuam Medicaid thiab MinnesotaCare cov tswv cuab nyob hauv cov nroog Anoka, Carver, Dakota, Hennepin, Ramsey, Scott, Washington thiab St. Louis. Nyob hauv St Louis county peb kuj tseem ua hauj lwm pab rau cov tswv cuab uas muaj SNBC, MSHO, thiab MSC+. Thiab nyob hauv Lub Nroog Scott peb kuj tseem ua hauj lwm pab rau cov tswv cuab uas muaj SNBC. United Healthcare yeej ib txwm ua hauj lwm los ua kom qhov kev kho mob thiab cov kev pab uas peb cov tswv cuab tau txais zoo dua qub.
Ua li cas peb thiaj paub cov teeb meem thiab kho cov teeb meem
- Peb siv cov cuab yeej xws li tej ntaub ntawv uas muab tau los thiab kev soj ntsuam los mus nrhiav paub cov cheeb tsam los yog pab pawg neeg uas xav tau kev pab ntxiv.
- Ces tom qab ntawd peb ua hauj lwm nrog cov kws kho mob thiab cov tswv cuab los mus ua kom paub tseeb tias peb cov tswv cuab tau txais qhov kev kho mob uas lawv xav tau thaum lawv xav tau qhov ntawd.
- Peb muab cov ntaub ntawv uas muab kev qhia kom paub txog kev kho mob ntxiv rau cov kws muab kev kho mob thiab cov tswv cuab.
- Peb muab nyiaj txiag ua phaj tshab pub los txhawb rau txoj kev tu xyuas kom ua tau zoo dua qub.
- Cov tswv cuab uas muaj cov kev xav tau ntau yam nyuaj kuj tau txais kev pab txhawb ntxiv los ntawm peb cov kws tswj hwm kev kho mob.
- Peb mus ntsib peb cov tswv cuab hauv lub zej zos.
- Peb ua hauj lwm koom nrog cov pab pawg hauv lub zej zos uas muab kev pab txhawb rau cov neeg uas peb muab kev pab rau lawv.
United Healthcare Cov Hom Phiaj Ua Hauj Lwm Kom Zoo
- Txhawb txoj kev tswj hwm tsoom neeg kev noj qab haus huv thiab cov dej num
- Txhim kho tej dej num uas cov tswv cuab thiab kws kho mob tau ntsib thiab tau pom kom zoo dua qub
- Ua kom tau raws li ntawv pov thawj thiab txoj cai tswj hwm kom ua
- Ua hauj lwm pab rau txhua haiv neeg
Cov Khoos Kas Ua Kom Ua Tau Hauj Lwm Zoo Dua Qub
Tsev Neeg thiab Cov Me Nyuam
Healthy First Steps
cov txheej lus yuav los tom ntej no
Cov Neeg Laus Uas Muaj Hnub Nyoog
Mob Ntshav Qab Zib thiab Kev Nyuaj Siab Puas Hlwb
cov txheej lus yuav los tom ntej no
Kev Tswj Hwm Qhov Khoos Kas Kom Ua Tau Hauj Lwm Zoo
Qhov Khoos Kas Ua Tau Hauj Lwm Zoo
Cov txheej lus yuav los tom ntej no
Daim Phiaj Ua Hauj Lwm Txhua Xyoo
Cov txheej lus yuav los tom ntej no
Kev Ntsuam Xyuas Qhov Khoos Kas
Cov txheej lus yuav los tom ntej no
Txoj Hauj Lwm S.T.O.P COVID
Yog vim li cas yav tas los nws thiaj tseem ceeb los hais txog Kev Kuaj thiab Kev Txhaj Tshuaj?
Thaum tus kab mob COVID-19 nyuam qhuav pib thaum ntxov, nws pom tau tseeb tias nws muaj cov kev sib txawv ntawm txoj kev noj qab haus huv nyob hauv BIPOC cov pab pawg neeg. Qhov no tau nrhiav pom nyob hauv txoj kev kuaj thiab cov neeg mob ntawm tus kab mob COVID-19. BIPOC cov pab pawg neeg yog cov uas tau txais teeb meem hnyav tshaj. Qhov no tseem tau nrhiav pom nyob hauv cov uas mus pw hauv tsev kho mob, thiab cov uas tau tas txoj siab los ntawm tus kab mob COVID thiab. Peb tau pom tias peb tuaj yeem siv tau peb cov kev pab los pab daws qhov kev sib txawv ntawd.
United Healthcare tau ua dab tsi los txhim kho kom Txoj Kev Kuaj thiab Kev Txhaj Tshuaj Zoo Dua Qub?
Peb tau paub tias cov zej zos paub zoo txog lawv cov teeb meem thiab nkag siab qhov kev pab uas lawv xav tau. Peb tau muaj kev sib txuas nrog cov khub koom ua hauj lwm ua ke hauv lub zej zos kom nkag siab tias lawv xav tau dab tsi. Peb tau npaj peb lub tswv yim daws teeb meem kom muaj lawv cov tswv yim nyob rau hauv. Peb tau tsim kom muaj kev pab txhawb los ntawm cov pab pawg hauv lub zej zos. Peb tau muab cov pab pawg ntseeg thiab tsoom fwv cov chaw ua hauj lwm rau fab kev noj qab haus huv los ua hauj lwm nrog peb. Thiab peb tau muab tsoom fwv hauv lub zej zos los ua hauj lwm nrog peb. Txoj hauj lwm daws teeb meem uas yuav tau ua yog tsi ntsoov rau lub zej zos.
Ib cov teeb meem yog dab tsi?
Peb tau pom tias peb tuaj yeem pab tau los daws cov kev sib txawv uas muaj nyob hauv qhov kev kuaj. Tab sis peb cov zej zos tau hais rau peb tias lawv xav tau ntau tshaj qhov ntawd. Lawv tau hais rau peb kom nthuav txoj hauj lwm dav mus ntxiv dhau ntawm qhov kev kuaj thiab muab txoj kev pab txhawb rau tsoom neeg sawv daws. Qhov no suav nrog khoom noj thiab kev kaj huv. Nws kuj tseem muaj qhov pab ua kom muaj kev txuas nrog cov koom txoos hauv lub zej zos thiab. Peb yuav tau ua hauj lwm pab rau tus neeg tas nrho txhua yam.
Ua li cas peb thiaj paub tias peb tau ua rau txoj kev noj qab hauv huv uas muaj kev sib txawv ntawd ua tau zoo?
Peb lub hom phiaj yog ua kom tau 50% ntawm cov uas tau kuaj kom yog BIPOC. Peb ua tau raws li lub hom phiaj uas yog 50% BIPOC cov neeg tau koom.
Hauv txoj kev koom tes nrog Minnesota Community Care, txoj hauj lwm S.T.O.P. COVID tau muab tshaj ntawm 2000 tshuaj txhaj tiv thaiv kab mob thiab tshaj ntawm 1000 cov khoom siv rau kev kaj huv hauv lub 2020 thiab 2021.
Peb npaj li cas los txhim kho kom qhov sib txawv ntawm txoj kev noj qab haus huv ua tau zoo dua qub?
Peb tau pom tias txoj kev tsi ntsees rau lub zej zos yog ib qho yuav tau ua kom muaj ib qho kev txawv txawv.
Peb tau pom tias peb yuav tau rub tsoom fwv hauv lub zej zos, cov kws kho mob thiab lub zej zos los ua ke. Tom qab ntawd peb tuaj yeem siv tau peb cov ntaub ntawv thiab thev naus laus zis (technology). Peb tuaj yeem hloov kho peb cov hauj lwm los ua kom sawv daws tau txais txoj kev noj qab hauv huv sib npaug thiab ua rau txoj kev noj qab haus huv ua tau zoo. Peb tsim kom muaj txoj kev sib txuas ruaj khov nrog lub zej zos mus ntxiv los ua kom muaj ib qho txawv txawv rau txoj kev noj qab haus huv.
Healthy First Start Initiative (Txoj Hauj Lwm Xub Ua Kom Noj Qab Haus Huv Ua Ntej)
Yog vim li cas thiaj tseem ceeb kom noj qab hauv huv thaum cev xeeb tub?
Peb xav kom cov tswv cuab muaj kev xeeb me nyuam tau yam noj qab haus huv thiab kom tus me nyuam mos noj qab haus huv. Healthy First Start yog ib qho kev pab cuam muab los ntawm koj daim phiaj kho mob. Peb xav ua hauj lwm nrog koj los pab koj siv cov kauj ruam ua kom noj qab hauv huv thaum cev xeeb tub thiab tom qab yug tus me nyuam.
Qhov peb ua kom txoj kev uas lub cev xeeb tub noj qab haus huv yog dab tsi?
Tom qab tau tus me nyuam los lawm, nws yog ib qho tseem ceeb uas yuav tau coj tus mos liab mus ntsib kws kho mob. Tus kws kho mob yuav kuaj xyuas tej yam xws li tus me nyuam mos qhov hnyav, ob lub qhov muag, ob lub pob ntseg, thiab lub plawv. Thaum tus mos liab loj tuaj lawm, cov kws kho mob yuav pab qhia cov niam cov txiv tias yuav ua li cas thiaj tu tau ib tus me nyuam kom loj hlob tsis muaj mob. Qhov no kuj txhais tau tias yog tham txog kev muab lub cev qoj ua esxawsxais, cov khoom noj zoo rau lub cev, thiab yuav tiv thaiv li cas thiaj tsis raug mob.
Peb qho khoos kas yog pab cov tswv cuab uas cev xeeb tub ua ntej thiab tom qab lawv yug tus me nyuam lawm. Peb pab nrhiav cov chaw muaj kev pab nyob hauv lub zej zos, kev kho mob thiab coj tus cwj pwm, muab tswv yim pab qhia tias yuav ua li cas thiaj tsis muaj mob thaum cev xeeb tub, thiab muab phaj tshab kom muaj siab mus ntsib kws kho mob. Peb pab cov tsev neeg kom tau txais qhov kev kho mob thiab kev pab txhawb uas lawv xav tau thaum lawv xav tau qhov ntawd heev tshaj plaws.
Ib cov teeb meem los mus txhim kho kom txoj kev xeeb tub noj qab haus huv zoo dua qub yog dab tsi?
Nws yog ib qho nyuaj los mus hu cuag tau cov tswv cuab uas lawv cev nyuam qhuav xeeb tub yog peb tsis paub tias lawv cev xeeb tub lawm. Peb tsis tuaj yeem pab tau yog peb tsis tau lawv qhov chaw nyob los yog tus xov tooj tshiab. Peb thov kom peb cov tswv cuab qhia rau peb thiab lawv lub nroog paub thaum lawv cev xeeb tub los yog muaj ib qhov chaw nyob los yog tus xov tooj tshiab. Thaum peb thiab lub nroog paub tej no lawm, peb tuaj yeem rau tau lawv lub npe rau peb qhov khoos kas. Qhov no yog ua kom paub tseeb tias cov tswv cuab uas cev xeeb tub tau txais tas nrho cov kev pab uas peb muaj.
Peb npaj li cas los txhim kho kom qhov sib txawv ntawm txoj kev noj qab haus huv ua tau zoo dua qub?
Lub hom phiaj ntawm qhov khoos kas yog ua kom peb cov tswv cuab uas cev xeeb tub thiab lawv tus mos liab noj qab haus huv li qhov ua tau. Peb saib cov ntaub ntawv ntsig txog kev mus cuag tau kev kho mob, kev noj qab haus huv ntawm peb cov tswv cuab thiab cov tswv cuab kev txaus siab. Peb muab cov ntaub ntawv no los xyuas tsis tu ncua thiab txhua xyoos. Txhua xyoos peb tseem ua ib qho kev ntsuam xyuas kom muaj tshwm sim rau qhov khoos kas Healthy First Steps® seb ua tau hauj lwm zoo li cas.
Peb npaj li cas los txhim kho kom qhov sib txawv ntawm txoj kev noj qab haus huv ua tau zoo dua qub?
Peb yuav muab kev pab txhawb rau peb cov tswv cuab mus ntxiv kom lawv tau teem caij mus ntsib kws kho mob, kom tau khoom noj, tsheb pab thauj mus los, rooj rau me nyuam zaum hauv tsheb, thiab vaj tse nyob. Nyob hauv 2023, peb npaj ua hauj lwm nrog cov kws kho mob kom paub txog cov tswv cuab cev xeeb tub thaum ntxov dua. Peb lub hom phiaj yog pab cov tswv cuab kom noj qab haus huv thaum cev xeeb tub thiab tshem tej kev tiv thaiv txoj hauv kev kom mus cuag tau txoj kev saib xyuas lawv.
Tau txais kev lees paub
UHC Community Plan yog ib qho tshiab hauv Minnesota. Ib pab pawg hu ua National Committee for Quality Assurance (NCQA) muaj ntaub ntawv qhia pub rau peb tias yuav ua li cas txoj kev kho mob uas peb muab rau cov tswv cuab thiaj yuav zoo dua qub. Raws li yog ib daim phiaj tshiab, nws yog peb lub hom phiaj los ua kom tau raws li cov qauv kev cai rau kev ua tau hauj lwm zoo raws cai. Kev ua tau hauj lwm zoo raws cai txhais hais tias peb tau cog lus los mus tswj hwm qhov kev kho mob kom ua tau zoo raws cov qauv kev cai. Yog xav paub ntxiv txog NCQA, mus saib lawv lub website.
Hu Rau Peb
Peb xav hnov koj cov lus nug thiab tswv yim pab! Thov rau peb yog koj xav paub ntxiv los yog xa qhia koj cov tswv yim tias yam dab tsis uas peb muaj cuab kav ua tau zoo dua qub. Hu rau United Healthcare ntawm 1-888-269-5410 / TTY: 711 los sis siv qhov kev pab hu rau neeg tsis hnov lus uas koj nyiam 8 AM txog 6 PM lub sij hawm hauv cheeb tsam, Hnub Monday – Hnub Friday.